انگور کھٹے ہیں

ہفتہ، 12 اکتوبر، 2013

لگتا ہے کہ انگور زمانہء قدیم سے ہی کھٹے چلے آرہے ہیں اور ابھی تک کمبخت پک کر میٹھے نہیں ہو پائے۔
مجھ سمیت دنیا کے بد صورت ترین مردوں نے ہمیشہ حسن میں کیڑے ہی نکالنے کی کوشش کی ہے یقین نہیں آتا تو سقراط صاحب کا ایک اخباری بیان ملاحظہ فرمائیں،

'' حسن ایک سستی ترین سفارش ہے''
جس کی مدد سے بہت سارے کام نکلتے ہیں۔

ارسطو کا کہنا ہے کہ

'' یہ قدرت کی ''غلط بخشی'' ہے''

فن سیاست کے باوا آدم یعنی افلاطون صاحب نے ایک پریس کانفرنس میں بتایا کہ''

'' حسن ایک چند سالہ ظالمانہ دورِ حکومت ہے''

آخر میں بابائے جنسیات حضرت راسپوٹین کا فرمان ملاحظہ فرمائیں،

''حسن ہاتھی کا نمائشی دانت ہے''